Mashhur murabbiy Miodrag Bojovich Moskvaning "Spartak" jamoasi bosh murabbiyi Deyan Stankovichga bildirlayotgan tanqidlar haqida o‘z fikrini bildirdi. Bu haqida Euro-football.ru xabar berdi.
Bojovichning ta’kidlashicha, jamoa natija ko‘rsata olmaganda, tanqidlar o‘rinli bo‘ladi. Ayniqsa, gap "Spartak" kabi e’tibor markazida bo‘lgan jamoa haqida ketayotgan bo‘lsa, bunday holat tabiiydir.
Unga ko‘ra, Stankovich bu bosim va tanqidlarni to‘g‘ri qabul qiladi. Chunki u ilgari ham yirik jamoalarda o‘ynagan, katta klublarni boshqargan va futbol olamidagi bosimni yaxshi biladi.
Bojovichning so‘zlariga ko‘ra, Stankovich "Spartak"da ham bunday vaziyatlarni yengib o‘ta oladi. Eslatib o‘tamiz, Rossiya Premer-ligasining uch turidan so‘ng "Spartak" jamoasi 4 ochko bilan 11-o‘rinni egallab turibdi.
Jamoa navbatdagi o‘yinini "Lokomotiv"ga qarshi o‘tkazadi. Ushbu uchrashuv ertaga, 9-avgust kuni bo‘lib o‘tadi.
"Spartak" muxlislari jamoaning navbatdagi o‘yinidan yaxshi natija kutmoqda. Mutaxassislar fikriga ko‘ra, jamoada ijobiy o‘zgarishlar bo‘lishi mumkin.
