Rossiya va Ukraina milliy terma jamoalari futbolchilari – darvozabon Matvey Safonov hamda himoyachi Ilya Zabarnıy – yaqinda bir jamoada to‘p sura boshlaydi. Bu haqida Euro-football.ru xabar berdi.
Mamlakat va xalqaro sport ommaviy axborot vositalari xabariga ko‘ra, Ilya Zabarnıy Fransiyaning mashhur futbol klubi Parij Sen-Jermen bilan besh yillik shartnoma imzolaydi. Ushbu kelishuv 2030 yilning o‘rtalariga qadar amal qiladi.
Ma’lumotlarga ko‘ra, Angliyaning Bornmut klubi va Parij Sen-Jermen o‘rtasida futbolchini sotib olish bo‘yicha kelishuvga erishilgan. Transferning umumiy qiymati 67 million yevroni tashkil etadi.
22 yoshli himoyachi Ilya Zabarnıy UEFA Superkubogi bahsidan avval tibbiy ko‘rikdan o‘tadi. Eslatib o‘tamiz, rossiyalik darvozabon Matvey Safonov Parij Sen-Jermen tarkibida bir yildan ortiq vaqt davomida o‘ynab kelmoqda.
U jamoa bilan to‘rtta sovringa, jumladan, Chempionlar ligasi kubogiga ega chiqqan. Shu tariqa, Safonov va Zabarnıy yaqinda bir jamoada faoliyatini davom ettirishadi.
