Hujumchi Said Saxarxizan “Orenburg” klubini tark etdi. Bu haqida Euro-football.ru xabar berdi.
Rossiya oliy ligasi jamoasi rasmiy ravishda 22 yoshli eronlik futbolchining “Esteqlol” klubiga o‘tganini e’lon qildi. Shu tariqa, Said Saxarxizan o‘z vataniga qaytmoqda.
Avvalroq futbolchining agentligi uning tez orada boshqa jamoaga o‘tishini tasdiqlagandi. Said Saxarxizan “Orenburg” safida bir yil davomida o‘ynadi.
U “Orenburg” tarkibida jami 32 uchrashuvda maydonga tushdi, sakkizta gol urdi va bir marta jamoadoshiga golli uzatma berdi. Ayni vaqtda “Orenburg” klubi o‘z maydonida bo‘lib o‘tadigan oliy liga uchrashuviga tayyorgarlik ko‘rmoqda.
Mazkur bahsda “Orenburg” va “Krasnodar” jamoalari 10-avgust, yakshanba kuni o‘zaro kuch sinashadi.
