Rafael van der Vaart ismli mashhur futbolchining o‘g‘li Damian van der Vaart ilk bor professional darajada maydonga tushdi. Bu haqida Euro-football.ru xabar berdi.
Bu haqda niderlandiyalik ommaviy axborot vositalari xabar berdi. Damian van der Vaart 19 yoshda bo‘lib, Niderlandiyaning “Yong Ayaks” klubi markaziy himoyachisi hisoblanadi.
U “Den Box” jamoasiga qarshi o‘yinda 28 daqiqa harakat qildi. Qiziqarli tomoni shundaki, uning otasi Rafael van der Vaart ham bundan 25 yil 111 kun avval aynan “Ayaks” safida “Den Box”ga qarshi ilk o‘yinini o‘tkazgan edi.
Rafael van der Vaart faoliyati davomida Madridning “Real”, Angliyaning “Tottenxem” va Germaniyaning “Gamburg” klublarida ham o‘ynagan. Damian van der Vaart bolaligida Germaniyaning “Viktoriya” hamda Daniyaning “Esbyerg” jamoalari yoshlar tizimida tarbiyalangan.
2023 yildan boshlab u “Ayaks” klubining tizimida o‘ynab kelmoqda. Shu tariqa, Damian van der Vaart o‘zining professional faoliyatini boshladi va otasining izidan borishni maqsad qilgan.
