Barselona Flik so‘ragan futbolchilarni tarkibga qo‘shdi
"Barselona" futbol jamoasining bosh murabbiyi Xans Diter Flik klubning transfer bozorida olib borgan ishlari natijasidan mamnun bo‘lishi mumkin. Bu haqida Euro-football.ru xabar berdi.
Germaniyalik mutaxassis klub rahbariyatidan faqat ikki yangi futbolchi so‘ragan edi: chap qanot hujumchisi va asosiy darvozabon. Maqsad – chap qanotda Rafinya bilan raqobat qila oladigan futbolchini va asosiy tarkib uchun ishonchli darvozabonni topish edi.
Murabbiyning bu ikki talabi amalga oshirildi. "Barselona" "Manchester Yunayted" klubidan Markus Reshfordni ijaraga oldi.
Shuningdek, "Espanol" klubidan Joan Garsiya sotib olindi. Shu tariqa, jamoa yangi mavsumga kuchli tarkib bilan kirib kelmoqda.
16-avgust kuni "Barselona" La Liga chempionlik unvonini himoya qilishni boshlaydi. Birinchi o‘yin safarda "Malorka"ga qarshi bo‘lib o‘tadi.
Shuningdek, 10-avgust kuni jamoa Joan Gamper kubogi finalida "Komо" klubiga qarshi maydonga tushadi. Klub yangi futbolchilar bilan tarkibini mustahkamlab, oldinda turgan muhim bahslarga jiddiy tayyorgarlik ko‘rmoqda.
Yangi mavsum oldidan jamoaning transfer siyosati va tarkibdagi o‘zgarishlar muhlislar uchun ham katta qiziqish uyg‘otmoqda.
