«Milan» jamoasining yangi futbolchisi Luka Modrich «Inter»ga qarshi bo‘ladigan derbi haqida o‘z fikrini bildirdi. Bu haqida Euro-football.ru xabar berdi.
Xorvatiyalik futbolchi iyul oyida Madridning «Real» klubidan «Milan» safiga erkin agent sifatida qo‘shildi. 39 yoshli yarim himoyachi, ayniqsa, yangi jamoasining asosiy raqibi – «Inter»ga qarshi o‘yinni intiqlik bilan kutayotganini aytdi.
Luka Modrich o‘z intervyusida shunday dedi: «Men ko‘plab Milan derbilarini tomosha qilganman va endi o‘zim ham ushbu o‘yinda ishtirok etishni orziqib kutyapman. Bunday bahslar maydonda futbolchiga eng katta his-tuyg‘ularni beradi.
‘Milan’ sharafini himoya qilish va bu muhim bahsda jamoam ranglarini namoyon etishni intiqlik bilan kutyapman». Modrich avval 13 yil davomida «Real» safida to‘p surgan.
Uning «Milan» bilan tuzgan shartnomasi kelasi yilning o‘rtalarigacha amal qiladi. Shu tariqa, tajribali futbolchi Italiya chempionatida ham o‘zini sinab ko‘rishga qaror qildi.
U yangi jamoasida muhim o‘yinlarga tayyorlanmoqda va muxlislarning ishonchini oqlashga harakat qiladi.
