Emirik Laportning Saudiya Arabistonidagi kelajagi mavhumligicha qolmoqda. Bu haqida Euro-football.ru xabar berdi.
Tajribali markaziy himoyachi o‘z faoliyatini Yevropada davom ettirish niyatida va “Atletik” klubiga qaytish imkoniyatini ko‘rib chiqmoqda. Bilbao jamoasi rahbariyati Laportni o‘z safiga qaytarish maqsadida “Al-Nasr” klubi bilan muzokaralarga kirishgan.
Ma’lumotlarga ko‘ra, ular futbolchiga 2028 yilgacha mo‘ljallangan shartnoma taklif etishga tayyor. Laport Saudiya Arabistonining “Al-Nasr” jamoasiga o‘tganidan beri 69 ta rasmiy o‘yinda maydonga tushdi va 9 ta gol muallifiga aylandi.
Hozirda ispaniyalik himoyachining transfer bahosi 15 million yevroga teng. Uning Yevropaga qaytishi yoki Saudiya Arabistonida qolishi yaqin orada ma’lum bo‘ladi.
Laportning tajribasi va o‘yindagi barqarorligi uni ko‘plab klublar uchun qiziqarli nomzodga aylantirmoqda. Shu bois, uning kelajagi futbol jamoatchiligi e’tibor markazida turibdi.
