“Bavariya” hujumchisi Garri Keyn o‘zining avvalgi jamoasi “Tottenxem”ga murojaat qildi. Bu haqida Euro-football.ru xabar berdi.
U Myunxenga ko‘chib o‘tishidan oldin aynan shu klubda to‘p surgan edi. O‘tgan shanba kuni ingliz futbolchisi hozirgi jamoasiga yordam berib, “Tottenxem” ustidan o‘rtoqlik uchrashuvida 4:0 hisobida g‘alaba qozonishga hissa qo‘shdi va o‘zi ham gol urdi.
Shundan so‘ng Garri Keyn “Tottenxem”ning rasmiy saytiga intervyu berdi. Unda u Germaniyada hayot qanday o‘tayotgani haqida fikr bildirdi.
“Hayot juda yaxshi, hozircha hammasi menga yoqmoqda. Bu yerda vaqtimni maroqli o‘tkazyapman, oilam ham o‘zini yaxshi his qilmoqda.
Endi yangi mavsumni intiqlik bilan kutyapman. Mening futbolchilik yo‘lim “Tottenxem”da, 11 yoshimda boshlangan edi.
Bu yo‘l meni hozirgi holatimga olib keldi. Shu yo‘lda uchragan barcha insonlarga va “Tottenxem” muxlislariga minnatdorchilik bildiraman.
Ular ham men uchun muhim bo‘lgan”, dedi 32 yoshli hujumchi. Garri Keyn ikki yil avval “Bavariya”ga o‘tdi.
U Myunxen klubi safida 96 o‘yinda maydonga tushib, 85 ta gol urdi va 26 ta golli uzatma amalga oshirdi.
