Ukraina milliy terma jamoasi markaziy himoyachisi Ilya Zabarnıy Angliyaning “Bornmut” klubi tarkibida to‘p surayotgan edi. Bu haqida Euro-football.ru xabar berdi.
Endilikda u faoliyatini Fransiyaning 1-ligasi jamoasida davom ettiradi. Ma’lumotlarga ko‘ra, 22 yoshli futbolchining yangi jamoasi Parijning “PSJ” klubi bo‘ladi.
Tomonlar o‘zaro kelishuvga erishgan va shartnoma shartlari kelishib olingan. Zabarnıy “PSJ” bilan besh yillik mehnat shartnomasini imzolaydi.
Uning yillik maoshi to‘rt yarim million yevroni tashkil etadi. Eslatib o‘tamiz, “PSJ” ayni paytda Yevropa Chempionlar ligasi so‘nggi mavsum g‘olibi hisoblanadi.
Avvalroq matbuotda Ukraina futbolchisi jamoaga kelgani sababli rossiyalik darvozabon Matvey Safonov klubni tark etishi mumkinligi haqida xabarlar tarqalgan edi. Safonov o‘tgan yil yozida “PSJ”ga qo‘shilgan edi.
Shu tariqa, Parij klubi himoya chizig‘ini kuchaytirish maqsadida yangi futbolchini o‘z safiga qo‘shib oldi.
