Alba: Ikkinchi bo‘limda hujumimiz kuchaydi, g‘alaba keldi

«Rostov» jamoasining bosh murabbiyi Jonatan Alba «Pari NN» jamoasiga qarshi o‘yindan so‘ng «Match TV»ga intervyu berdi. Bu haqida Euro-football.ru xabar berdi.

Uchrashuvdan keyingi taassurotlari haqida so‘z yuritar ekan, murabbiy bu g‘alaba uzoq kutilganini ta’kidladi. U jamoaning beshinchi o‘yinida zafar quchganidan keyin hissiyotlar biroz yengillashganini aytdi.

Jonatan Alba raqib jamoa birinchi bo‘lib xavfli vaziyat yaratganini, ammo darvozabon ularning hujumini bartaraf etganini qayd etdi. Uchrashuv boshidayoq raqib futbolchisi maydondan chetlatilgani o‘yinga ta’sir qilganini ham eslatib o‘tdi.

Murabbiy jamoa o‘yin davomida nazoratni qo‘ldan bermaganini, endi esa oldinga intilayotganini bildirdi. Birinchi bo‘limdan keyin jamoa o‘zaro suhbatlashib, o‘yinda nimani yaxshilash mumkinligini muhokama qilgan.

Ikkinchi bo‘limda esa o‘yinchilar hujumda faolroq harakat qilgan, ko‘proq imkoniyatlar yaratishga erishgan. Bu mehnat natijasida jamoa mavsumdagi ilk g‘alabasini qo‘lga kiritdi.

Tanaffusda murabbiy futbolchilarga xotirjam o‘ynash va shoshilmaslik kerakligini aytgan. Ularning g‘alabaga bo‘lgan ishtiyoqi yuqori bo‘lgani va birinchi g‘alabani intizorlik bilan kutgani ta’kidlandi.

Taktik o‘zgarishlar kiritilib, ayrim futbolchilar joyi o‘zgartirilgan. Ikkinchi bo‘limda jamoa o‘zini ancha yaxshi ko‘rsatdi.

Penalti masalasiga to‘xtalar ekan, murabbiy Egrning mashg‘ulotlarda penaltilarni yaxshi bajarganini, o‘yinga tayyor bo‘lganini aytdi. Darvozabon Nikita ham yaxshi o‘ynagan.

Penalti golga aylantirilmagan bo‘lsa-da, jamoa harakatda davom etib, boshqa yo‘l bilan g‘alabaga erishdi.