Genuya jamoasida markaziy himoyachi sifatida to‘p surayotgan Koni de Vinter yaqin kunlarda Milan klubiga o‘tishi mumkin. Bu haqida Euro-football.ru xabar berdi.
Hozirda Milan rahbariyati va Genuya vakillari futbolchining transferi bo‘yicha kelishuvga yaqin turibdi. Ma’lumotlarga ko‘ra, ushbu transferning qiymati taxminan 20 million yevroni tashkil qiladi.
Muzokaralar yakuniy bosqichga kirgan. Koni de Vinter uchun 2030 yilgacha mo‘ljallangan shartnoma tayyorlangan.
Shuningdek, agar Genuya ushbu futbolchini 20 million yevroga sotsa, Yuventus klubi o‘zining sobiq futbolchisi uchun 5 million yevro oladi. Bu holat shartnoma bandlariga ko‘ra belgilangani aytilmoqda.
Koni de Vinterga qiziqish bildirgan klublar orasida Milan shahrining yana bir jamoasi – Inter ham borligi qayd etilgan. Transfermarkt internet sayti ma’lumotiga ko‘ra, belgiyalik futbolchining hozirgi taxminiy narxi 22 million yevroga baholanmoqda.
Shu tariqa, futbolchining kelajagi yaqin kunlarda aniq bo‘lishi kutilmoqda.
