"Liverpul" jamoasining hujumkor yarim himoyachisi Xarvi Elliott faoliyatini Londonning "Tottenxem" klubida davom ettirishi mumkin. Bu haqida Euro-football.ru xabar berdi.
Bu haqda jurnalist Sebastyen Vidal o‘z manbalariga tayanib xabar bermoqda. Manbaga ko‘ra, "Tottenxem" rahbariyati Elliottning transferi uchun "Liverpul" tomonidan qo‘yilgan moliyaviy talablarni qondirishga tayyor.
London klubi hujum chizig‘iga yangicha ijodkorlik olib kirish va futbolchiga "Liverpul"da yetishmayotgan o‘yin amaliyotini taqdim etishni maqsad qilgan. O‘tgan mavsumda Xarvi Elliott barcha musobaqalarni hisobga olgan holda 28 ta o‘yinda maydonga tushdi.
U besh marta raqib darvozasini ishg‘ol qildi va uchta golli uzatma berdi. Mutaxassislarning Transfermarkt portalidagi ma’lumotlariga ko‘ra, 22 yoshli yarim himoyachining transfer qiymati 30 million yevroga baholanmoqda.
Hozircha klublar o‘rtasida rasmiy kelishuv bor-yo‘qligi haqida ma’lumot yo‘q. Shu bilan birga, Elliottning yangi jamoada asosiy tarkibdan o‘rin olishi va o‘zini ko‘rsatishi uchun yaxshi imkoniyat yaratilishi kutilmoqda.
