PSJda asosiy darvozabon Shevalye bo‘ladi, Donnarumma ketadi
PSJ jamoasida darvozabonlar borasida muhim qaror qabul qilindi. Bu haqida Euro-football.ru xabar berdi.
Ma’lum bo‘lishicha, Parij klubining asosiy darvozaboni sifatida jamoaga yaqinda qo‘shilgan Lyuka Shevalye tanlandi. Shu bilan birga, hozirgi darvozabon Janluiji Donnarumma amaldagi shartnomasi muddati tugashidan bir yil oldin sotilishi rejalashtirilmoqda.
Bu holatda Matvey Safonov ikkinchi darvozabon sifatida jamoada qoladi. PSJ bosh murabbiyi Luis Enrike Donnarummaning o‘yinidan mamnun emas va uni asosiy tarkibda ko‘rishni istamaydi.
Shu sababli, Donnarumma bilan xayrlashish va uni boshqa klubga sotish bo‘yicha qaror qabul qilindi. Donnarummaga jamoaning birinchi raqamli darvozaboni endilikda Shevalye bo‘lishi haqida ma’lumot berilgan.
O‘tgan mavsumda Matvey Safonov PSJ safida 17 ta rasmiy o‘yinda maydonga tushdi va bu uchrashuvlarda jami 13 ta gol o‘tkazib yubordi. Shunga qaramay, Safonov PSJ bilan birga Fransiya chempionati, Fransiya kubogi, Fransiya superkubogi va Chempionlar ligasi g‘olibi bo‘ldi.
Ushbu o‘zgarishlar jamoaning kelgusi mavsumdagi tarkibini shakllantirishda muhim ahamiyat kasb etadi.
