Aleksandr Mostovoy fransuziyaning PSJ jamoasida to‘p surayotgan rossiyalik darvozabon Matvey Safonovning hozirgi holati haqida o‘z fikrini bildirdi. Bu haqida Euro-football.ru xabar berdi.
Unga ko‘ra, PSJ jamoasi fransuz darvozaboni Lyuka Shevaleni xarid qilgani sababli Safonov asosiy tarkibdan joy olishi qiyin bo‘ladi. Mostovoyning aytishicha, Shevale asosiy darvozabon bo‘lib, Safonov esa mashg‘ulotlarda qatnashib, o‘rganishi va sabr qilishi kerak bo‘ladi.
Avvalroq poytaxt jamoasining asosiy darvozaboni Janluiji Donnarumma shartnomasini uzaytirishni rad etgani sababli tarkibdan chetlatilgani haqida xabarlar chiqqan edi. Shu sababli, PSJ darvozabonlar safini kuchaytirishga qaror qildi va Lyuka Shevaleni Lill jamoasidan sotib oldi.
Ushbu transfer qiymati 40 million yevroga baholangan. Ma’lumot uchun, 13 avgust kuni PSJ Yevropa Superkubogi uchun Tottenhem jamoasiga qarshi o‘yin o‘tkazadi.
Bu uchrashuvda PSJ darvozabonlar chizig‘ida qanday o‘zgarishlar bo‘lishi ko‘plab futbol ishqibozlarini qiziqtirmoqda. Jamoaning yangi darvozaboni Shevale va Safonovning kelajagi hozircha noma’lumligicha qolmoqda.
