Manchester Siti futbolchisi Savio ushbu yozda sotilishi mumkin. Bu haqida Euro-football.ru xabar berdi.
Ishonchli manbalarga ko‘ra, braziliyalik futbolchini Tottenhem klubi o‘z tarkibiga qo‘shib olishga qiziqish bildirmoqda. Xabar qilinishicha, Manchester Siti 21 yoshli Savioni taxminan 60 million funt sterling, ya’ni qariyb 69,5 million yevroga sotishga tayyor.
Yaqin vaqt ichida Tottenhem klubi tomonidan rasmiy transfer taklifi berilishi kutilmoqda. Transfermarkt portali ma’lumotlariga ko‘ra, Savioning bahosi 50 million yevroni tashkil etadi.
Futbolchi o‘tgan yil yozida Fransiyaning Trua klubidan Manchester Siti jamoasiga kelib qo‘shilgan. Savio Manchester Siti safida jami 48 o‘yinda maydonga tushib, 3 ta gol urgan va 13 ta golga assistentlik qilgan.
U Xosep Gvardiola boshchiligidagi jamoaning barcha musobaqalarida ishtirok etgan. Klub Savio uchun kelib tushadigan takliflarni ko‘rib chiqishga tayyor.
Tottenhem esa futbolchini o‘z safida ko‘rishni istamoqda.
