Laport Al-Nasrdan ketishda muammoga duch keldi
Al-Nasr jamoasining markaziy himoyachisi Emerik Laport boshqa klubga o‘tish masalasida muammolarga duch kelmoqda. Bu haqida Euro-football.ru xabar berdi.
Bu haqda ishonchli manbalar xabar bermoqda. Ma’lumotlarga ko‘ra, futbolchi Saudiya Arabistonining Al-Nasr klubi rahbariyatidan shartnomasini bekor qilishni so‘ragan.
U o‘z faoliyatini Ispaniyaning Atletik klubi safida davom ettirish niyatida. Atletik jamoasi Laportga qiziqish bildirgan.
Biroq Al-Nasr klubi rahbariyati va bosh murabbiy Jorge Jezush futbolchining bu talabini qondirishni istamayapti. Klub rahbariyati Laport shartnomasini bekor qilishni so‘rashni to‘xtatishi uchun uni oldinda bo‘lib o‘tadigan musobaqalarning asosiy tarkibidan chiqarib yuborishga qaror qilgan.
Emerik Laport 2023 yildan buyon Al-Nasr jamoasi sharafini himoya qilib kelmoqda. O‘tgan mavsumda 31 yoshli futbolchi 30ta o‘yinda ishtirok etib, beshta gol urgan.
Uning Saudiya Arabistoni klubi bilan tuzilgan shartnomasi yana bir yildan so‘ng yakuniga yetadi. Hozirda Laportning kelajagi ochiq qolmoqda.
