Rossiya xokkeyi afsonasi va Davlat Dumasi deputati Vyacheslav Fetisov Rossiya Premer-ligasida kutilayotgan o‘zgarishlar haqida o‘z fikrini bildirdi. Bu haqida Euro-football.ru xabar berdi.
Gap chet ellik futbolchilar soniga qo‘yiladigan cheklov va futbolchilarning ish haqi uchun belgilangan yuqori chegarani kuchaytirish haqida bormoqda. Fetisovning ta’kidlashicha, u futbolchilarning ish haqi uchun yuqori chegarani joriy etishni qo‘llab-quvvatlaydi.
Biroq, chet ellik futbolchilar soniga cheklovlarni kuchaytirish tarafdori emasligini aytdi. Uning fikricha, legionerlar mahalliy futbolchilarning rivojlanishiga salbiy ta’sir ko‘rsatmaydi.
Hozirda Rossiyada yetarli miqdorda klublar bor va ularda ko‘plab mahalliy futbolchilar o‘ynaydi. Ular raqobat muhitida o‘sib, tajriba orttirishlari mumkin.
Bu dunyo futbolida ham keng tarqalgan holat. Amaldagi qoidalarga ko‘ra, Rossiya Premer-ligasi klublari bir mavsumda eng ko‘pi bilan 13 nafar chet ellik futbolchini ro‘yxatdan o‘tkazishi mumkin.
Ularning 8 nafari bir vaqtning o‘zida maydonda bo‘lishi mumkin. Hozirda bu tartib o‘rniga “10+5” yoki o‘tish davrida biroz yumshoqroq formula joriy etilishi haqida ham fikrlar bor.
To‘rt turdan so‘ng Rossiya Premer-ligasida “Lokomotiv” jamoasi peshqadamlik qilmoqda. Shuningdek, Fetisov Yevropa chempionati o‘yinlarini Rossiyada namoyish etishni xiyonat deb hisoblashini ham ta’kidladi.
