Isak “Nyukasl”ni tark etishga qat’iy bel bog‘ladi
Aleksandr Isak “Nyukasl” klubini tark etishga qat’iy qaror qilgan. Bu haqida Euro-football.ru xabar berdi.
The Times nashrining yozishicha, 25 yoshli shved futbolchisi Angliyaning shimoli-g‘arbiy hududida uch yil yashagan uyidan ham ko‘chib chiqqan. Bu esa uning klubdan ketishga jiddiy tayyorlanayotganidan dalolat beradi.
Ma’lum qilinishicha, Isak “Nyukasl” safida qolishni istamayapti. Hattoki, u “Liverpul” klubiga o‘tish amalga oshmay qolsa ham, “Nyukasl”da o‘ynash niyatida emas.
Avvalroq matbuotda “Liverpul” Aleksandr Isak uchun 110 million funt sterling (taxminan 127,5 million yevro) miqdorida taklif yuborgani, biroq “Nyukasl” bu taklifni tezda rad etgani haqida xabarlar chiqqandi. Hozirga qadar “Liverpul” ikkinchi bor rasmiy taklif bilan chiqqani yo‘q.
Aleksandr Isak “Nyukasl” safida jami 109 ta o‘yinda maydonga tushib, 62 ta gol urgan va 11 ta golga assistentlik qilgan. Shu tariqa, u klub uchun muhim o‘yinchi bo‘lib kelgan.
Uning kelajagi hozircha noma’lum bo‘lib qolmoqda.
