Seshanba kuni kechqurun CSKA jamoasi Rossiya Kubogi guruh bosqichining ikkinchi turida safarda Akron jamoasiga qarshi o‘yin o‘tkazdi. Bu haqida Euro-football.ru xabar berdi.
Samarada bo‘lib o‘tgan uchrashuvning asosiy vaqti 1:1 hisobida yakunlandi. Penaltilar seriyasida esa Tolyatti shahri jamoasi g‘alaba qozondi.
CSKA jamoasi sardori Igor Akinfeyev bu safar zaxira o‘rindig‘ida qoldi. U yaqinda yangi an’ana boshlab, har bir o‘yindan so‘ng jamoasidagi eng yaxshi futbolchini aniqlab, unga kepka sovg‘a qiladigan bo‘ldi.
Ushbu uchrashuvda Akinfeyev 19 yoshli yarim himoyachi Artyom Bandikyaning o‘yinini alohida e’tirof etdi. Bandikyan mazkur o‘yinda golga uzatma bergan.
Akinfeyev o‘zining telegram kanalida natijadan mamnun emasligini, biroq jamoa tarbiyalanuvchilarining asosiy tarkibda maydonga tushib, to‘liq o‘yin o‘tkazgani va samarali harakat qilganidan xursandligini yozib o‘tdi. U Bandik bugun jamoa va emblema uchun jonbozlik ko‘rsatganini va kepka ko‘rinishidagi ushbu mukofotni munosib qo‘lga kiritganini ta’kidladi.
CSKA keyingi uchrashuvini yakshanba kuni, 17-avgustda safarda, Premier-liga doirasida Dinamo jamoasiga qarshi o‘tkazadi.
