Donnarumma PSJdan ketadi, muxlislardan xayrlashishni istaydi
Djanluidji Donnarumma tez orada Parij klubini tark etishini ma’lum qildi. Bu haqida Euro-football.ru xabar berdi.
U klub rahbariyatining qaroridan afsusda ekanini bildirdi. Darvozabonning so‘zlariga ko‘ra, u bunday voqealardan ranjigan va umidsiz holatda.
Shuningdek, Donnarumma o‘z uy stadionida muxlislar bilan xayrlashish imkoniyati bo‘lishiga umid qilmoqda. Donnarumma shunday dedi: Afsuski, kimdir men endi jamoa a’zosi bo‘lolmasligim va unga yordam bera olmasligim haqida qaror qabul qildi.
Bu holat meni chuqur ranjitdi va tushkunlikka soldi. Menga yana bir bor Park de Prens stadionida muxlislar bilan ko‘rishib, xayrlashish nasib etishiga umid qilaman.
Agar bu imkoniyat bo‘lmasa ham, bilib qo‘ying, sizlarning qo‘llab-quvvatlashingiz va mehringiz men uchun juda muhim. Buni hech qachon unutmayman, deb yozdi darvozabon o‘zining ijtimoiy tarmoqlardagi sahifasida.
Avvalroq Parij jamoasi bosh murabbiyi Luis Enrike Donnarummaning Yevropa Superkubogi uchrashuvida tarkibdan chiqarilishi uchun javobgarlikni o‘z zimmasiga olgan. Murabbiyning aytishicha, Donnarumma dunyoning eng yaxshi darvozabonlaridan biri, biroq hozirgi vaqtda jamoaga boshqa darvozabon zarur.
