Parma futbol klubi markaziy himoyachisi Jovanni Leoni Liverpul jamoasiga o‘tishga rozilik berdi. Bu haqida Euro-football.ru xabar berdi.
18 yoshli futbolchini ko‘ndirish uchun ko‘p vaqt talab qilinmadi, u tezda Angliyaning mashhur klubiga ijobiy javob berdi. Bu haqda taniqli sport jurnalisti xabar berdi.
Liverpul rahbariyati yosh italiyalik futbolchini boshqa klubga ijaraga berishni rejalashtirmayapti. Kutilishicha, Leoni darhol jamoaning asosiy tarkibiga qo‘shiladi va bosh murabbiy Arne Slot qo‘l ostida to‘p suradi.
Ayni vaqtda Liverpul va Parma klublari futbolchining transfer shartlarini muhokama qilmoqda. Avvalroq Italiya A Seriyasi vakili bo‘lgan Parma klubi yosh iste’dodli futbolchini sotish orqali 35 dan 40 million yevrogacha mablag‘ ishlab olishni rejalashtirayotgani haqida xabarlar tarqalgan edi.
Jovanni Leoniga boshqa yirik klublar ham qiziqish bildirgan. Xususan, Italiyaning Yuventus, Inter va Milan jamoalari ham yosh himoyachini o‘z tarkibiga qo‘shib olish niyatida bo‘lgan.
Shu tariqa, Leoni faoliyatini Angliya chempionatida davom ettirishi kutilmoqda.
