"Bavariya" futbol klubi sport bo‘limi rahbari Maks Eberl jamoaning yangi futbolchisi Luis Diasning o‘yin darajasini baholadi. Bu haqida Euro-football.ru xabar berdi.
Myunxen klubi 28 yoshli vinger Luis Diasni "Liverpul"dan 70 million yevro evaziga xarid qildi. Ushbu transfer iyul oyining oxirida amalga oshirildi.
Maks Eberlning so‘zlariga ko‘ra, o‘tgan mavsum "Liverpul" uchun muvaffaqiyatli bo‘ldi va Dias yana bir bor Angliya Premer-ligasining eng yaxshi futbolchilaridan biri ekanini ko‘rsatdi. Garchi jamoada asosiy e’tibor ko‘pincha boshqa yulduz futbolchilarga, jumladan, Moxamed Salah va Virjil van Deykka qaratilgan bo‘lsa-da, Dias ham ularning darajasida o‘ynadi.
Eberlning fikricha, Luis Dias "Bavariya" tarkibida ham o‘zini ko‘rsatib, xalqaro miqyosda yanada mashhur bo‘lishi mumkin. U bu borada o‘tgan mavsum Michael Olise kabi muvaffaqiyatga erishishi ehtimoli borligini ta’kidladi.
Ma’lumot uchun, "Bavariya" jamoasi shanba kuni Germaniya Superkubogi doirasida "Shtutgart"ga qarshi uchrashuv o‘tkazadi.
