Yevropa Superkubogi uchun bahsda Chempionlar ligasi g‘olibi Parij Sen-Jermen va Yevropa ligasi g‘olibi Tottenhem jamoalari o‘zaro kuch sinashadi. Bu haqida Euro-football.ru xabar berdi.
One.uz sayti ushbu o‘yinda maydonga tushishi kutilayotgan asosiy tarkiblarni e’tiboringizga havola qiladi. Parij Sen-Jermen jamoasining asosiy tarkibi quyidagicha: darvozada Safonov, himoyada Mendesh, Pacho, Markinyos, Hakimi, yarim himoyada Ruis, Vitinya, Zair-Emery, hujumda esa Kvaratsxeliya, Dembele va Due maydonga tushadi.
Tottenhem jamoasi tarkibida esa darvozani Vikario qo‘riqlaydi. Himoyachilar Spens, van de Ven, Romero, Porro, yarim himoyachilar Palinya, Bentankur, Jonson, Sarr, Kudu, hujumda esa Risharlison harakat qiladi.
Parij Sen-Jermenda Joau Neves diskvalifikatsiya qilingan. Tottenhem safida esa Jeyms Meddison, Radu Dragushin, Deyan Kulusevski, Brian Xil, Manor Salomon va Kota Takai jarohat sabab o‘yinda qatnasha olmaydi.
Bundan tashqari, Dominik Solanke va Destini Udodji maydonga tushishi ham so‘roq ostida. Aytishlaricha, Safonov yangi mavsumda Parij Sen-Jermenda asosiy darvozabon bo‘la olmasligi mumkin.
Donnarumma klubni tark etmoqda, birinchi raqamli darvozabon sifatida esa jamoaning yangi a’zosi Shevalye ko‘rib chiqilmoqda. Faraz qilamizki, Luis Enrike UEFA Superkubogi bahsida Safonovga ishonch bildiradi.
Bu Matvey uchun muhim sinov bo‘ladi. Agar u yaxshi o‘yin ko‘rsata olmasa, kelajakda jamoada o‘z o‘rnini topishi qiyinlashadi.
Mazkur uchrashuv bugun, 13 avgust kuni Italiyadagi Udine shahrida bo‘lib o‘tadi. O‘yin Toshkent vaqti bilan soat 22:00 da boshlanadi.
Parij Sen-Jermen va Tottenhem o‘rtasidagi ushbu bahsning matnli onlayn translyatsiyasini One.uz saytida kuzatib boring. Muallif: Kirill Ivantsov
