Germaniyaning “Bayer” futbol klubi Angliyaning “Brayton” jamoasida to‘p surayotgan Fakundo Buonanotte bilan shartnoma imzolash imkoniyatini ko‘rib chiqmoqda. Bu haqida Euro-football.ru xabar berdi.
Bu haqda germaniyalik jurnalistlar xabar bermoqda. Mazkur futbolchi hujumkor yarim himoyachi sifatida o‘ynaydi va klub uning xizmatlariga qiziqish bildirmoqda.
Ma’lum qilinishicha, Buonanotteni tarkibga qo‘shib olish “Bayer” uchun muhim ahamiyatga ega. Chunki klub yaqinda asosiy futbolchilaridan biri bo‘lgan Florian Virtsni “Liverpul”ga sotib yubordi.
Endi “Bayer” yangi ijodkor futbolchi orqali ushbu yo‘qotishni qoplashga harakat qilmoqda. Bundan tashqari, “Bayer” Fransiyaning “Monako” klubi futbolchisi Magnes Akliush nomzodini ham ko‘rib chiqmoqda.
Biroq, hozircha ushbu futbolchining transferi amalga oshishi qiyin, chunki Fransiya klubi vakillari juda yuqori moliyaviy talablarni qo‘ymoqda. Ularning so‘roviga ko‘ra, narx 50 million yevrodan oshmoqda.
“Brayton” esa Buonanotteni ijaraga berish yoki yuqori narxda sotishni rejalashtirmoqda. Klub 20 yoshli argentinalik futbolchi uchun taxminan 45 million yevro so‘ramoqchi.
Shu sababli, “Bayer” uchun Buonanotteni tarkibga qo‘shib olish masalasida muzokaralar davom etmoqda.
