Kristian Romero Tottenham sardori bo‘lish sharafi haqida gapirdi

Londonning Tottenham jamoasining yangi sardori Kristian Romero sardorlik bog‘ichini olish borasida o‘z fikrlarini bildirdi. Bu haqida Euro-football.ru xabar berdi.

Uning aytishicha, asosiy jamoa sardori bo‘lish uning uchun juda katta sharaf va mas’uliyatdir. Romero bu voqeani o‘z hayotidagi muhim lahzalardan biri deb hisoblaydi.

U bugun mashg‘ulotdan avval bosh murabbiy bilan suhbatlashganini ta’kidladi. Yangi mavsum boshlanishidan oldin ham ular bir necha bor muloqot qilgan.

Romero bosh murabbiyni yaxshi mutaxassis sifatida e’tirof etdi va unga minnatdorlik bildirdi. Uning fikricha, sardorlik bog‘ichini taqish jamoa oldida yanada faol va mas’uliyatli bo‘lishni talab qiladi.

Eslatib o‘tamiz, Tottenham jamoasi chorshanba kuni kechqurun UEFA Superkubogi doirasida Parijning PSJ jamoasiga qarshi maydonga tushadi. Bu o‘yin Tottenhamning yangi bosh murabbiyi Tomas Frank uchun rasmiy lavozimdagi ilk uchrashuv bo‘ladi.

Daniyalik mutaxassis ushbu lavozimda avstraliyalik Ange Postekogluni almashtirdi. Shu tariqa, jamoa yangi mavsumni yangi sardor va bosh murabbiy bilan boshlaydi.