“Parma” futbol klubi markaziy himoyachisi Jovanni Leoni “Liverpul” jamoasiga o‘tishga yaqin turibdi. Bu haqida Euro-football.ru xabar berdi.
Avvalroq, “Liverpul” 18 yoshli futbolchi bilan shartnoma shartlari bo‘yicha kelishuvga erishgani haqida xabarlar tarqalgan edi. Endilikda esa ikki klub ham asosiy masalalarda kelishuvga erishdi.
Jurnalist Ben Jeykobz ma’lumotiga ko‘ra, “Parma” klubi “Liverpul”ning 26 million funt sterling (taxminan 30 million yevro) miqdoridagi taklifini qabul qilgan. Ushbu kelishuvga qo‘shimcha ravishda bonuslar ham ko‘zda tutilgan.
Hozirda tomonlar ayrim tafsilotlarni muhokama qilmoqda, biroq asosiy shartlar bo‘yicha to‘liq kelishuvga erishilgan. Jovanni Leoni Italiya A Seriyasida “Parma” safida 17 ta o‘yinda maydonga tushib, bir marta gol urishga muvaffaq bo‘lgan.
Transfermarkt portali ma’lumotiga ko‘ra, yosh futbolchining bozor bahosi 18 million yevroga teng. Shu tariqa, Leoni tez orada “Liverpul” safida o‘ynashi kutilmoqda.
