PSJ ikki bor ortda qolib, Yevropa Superkubogini yutdi

PSJ jamoasi bu yil beshta sovrin sohibi bo‘ldi. Bu haqida Euro-football.ru xabar berdi.

Parij klubi Fransiya chempionati, Fransiya kubogi, Fransiya superkubogi va Chempionlar ligasi bilan birga, Yevropa Superkubogini ham qo‘lga kiritdi. Luis Enrike boshchiligidagi jamoaning Udine shahrida o‘tgan finaldagi yo‘li oson bo‘lmadi.

PSJ futbolchilari ikki bor ortda qolgan bo‘lishsa-da, avval asosiy vaqtda, so‘ngra penaltilar seriyasida hisobni tenglashtirishga va g‘alaba qozonishga muvaffaq bo‘lishdi. O‘yinning asosiy vaqti 2:2 hisobida yakunlandi.

Penaltilar seriyasida PSJ 4:3 hisobida ustun keldi. Tottenham safida birinchi bo‘lib Van de Ven va Romero gol urishdi.

PSJdan esa Kan-In Li va Ramush hisobni tenglashtirdi. Penaltilar seriyasida Mendesh hal qiluvchi zarbani aniq amalga oshirdi.

O‘yinda PSJ himoyachisi Markinos o‘z darajasini ko‘rsata olmadi va ba’zi xatolari sababli jamoasi muammoga duch keldi. U raqibga gol urish imkoniyatini yaratib berdi.

Mendesh ham ba’zi vaziyatlarda raqib futbolchilarni yo‘qotib qo‘ydi, biroq penaltilar seriyasida o‘zini tikladi. Usmon Dembele o‘yin davomida bir necha bor xato qilgan bo‘lsa-da, asosiy vaqtda golga uzatma berib, jamoasini qutqardi.

Yangi darvozabon Lyuka Shevalye penaltilar seriyasida bir zarbani qaytardi, biroq asosiy vaqtda xatoga yo‘l qo‘yib, gol o‘tkazib yubordi. Xvicha Kvaratsxeliya bu safar o‘zini ko‘rsata olmadi.

U atigi bir marta zarba berdi va driblingda ham muvaffaqiyat qozona olmadi. Natijada, murabbiy uni ikkinchi bo‘limda almashtirdi.

Shu tariqa, PSJ qiyin o‘yinda g‘alaba qozonib, navbatdagi sovrinni qo‘lga kiritdi.