Mark Geyi hali Liverpulga o‘tishi bo‘yicha qaror qilmagan
Kristal Pelas jamoasining markaziy himoyachisi Mark Geyi hali Liverpul klubi bilan kelishuvga erishgani yo‘q. Bu haqida Euro-football.ru xabar berdi.
25 yoshli futbolchi Liverpul uchun asosiy transfer maqsadlaridan biri hisoblanadi. Biroq, hozircha bu borada aniq natija yo‘q.
Sport jurnalisti Aleks Krukning ma’lumotiga ko‘ra, tomonlar o‘rtasidagi muzokaralar endigina boshlangan va Geyi hali rasmiy roziligini bermagan. Shuningdek, futbolchi atrofida turli mish-mishlar tarqalgani bilan, u hali biror qarorga kelmagan.
Mark Geyi hech qayerga shoshilmayapti. U Kristal Pelasda amaldagi shartnomasi yakuniga yetadigan kelasi yozgacha qolishga tayyor.
Shundan so‘ng, u erkin agent sifatida boshqa klubga o‘tishi mumkin. Transfermarkt portali bahosiga ko‘ra, Mark Geyining transfer qiymati 45 million yevroga teng.
Markaziy himoyachi Angliya terma jamoasi a’zosi bo‘lib, 2021 yildan beri Kristal Pelas safida to‘p suradi. Shu vaqt davomida u jamoaning asosiy o‘yinchilaridan biriga aylangan.
Uning kelajagi borasida hozircha aniqlik yo‘q, ammo Liverpul jamoasi unga qiziqish bildirmoqda. Mark Geyining qaysi klubda faoliyatini davom ettirishi yaqin kunlarda ma’lum bo‘ladi.
