Chukvuemeka Chelsidan ketmoqchi, Dortmundga qaytishi mumkin
“Chelsi” futbol klubi yarim himoyachisi Karni Chukvuemeka klubda futbolchilarga bo‘layotgan munosabatdan norozi. Bu haqida Euro-football.ru xabar berdi.
Oyning boshida “Chelsi” yarim himoyachini Dortmundning “Borussiya” jamoasiga sotishga tayyor ekani haqida xabarlar chiqqandi. Biroq hozirga qadar bu transfer rasman tasdiqlangani yo‘q.
Sport Bild nashrining yozishicha, Chukvuemeka “Chelsi”da futbolchilarga yetarlicha hurmat ko‘rsatilmayotgani sababli klubdan ko‘ngli qolgan. Angliyalik futbolchi jamoada qolishni istamayapti va o‘tgan mavsumning ikkinchi yarmida ijarada o‘ynagan “Borussiya”ga qaytishni xohlamoqda.
Manbaning ma’lumotiga ko‘ra, Dortmund klubi Chukvuemekani yana ijaraga olib, keyinchalik to‘liq sotib olish imkoniyatini ko‘rib chiqmoqda. Transfermarkt portali 21 yoshli futbolchining narxini 18 million yevroga baholamoqda.
Hozircha “Chelsi” va “Borussiya” o‘rtasida rasmiy kelishuvga erishilmagan. Shu sababli Chukvuemekaning kelajagi ochiq qolmoqda.
Futbolchi uchun boshqa klublar ham qiziqish bildirishi mumkin. Mutaxassislar futbolchining keyingi faoliyati qanday davom etishini kuzatib bormoqda.
