Timur Kapadze bugungi Eronga qarshi o‘yin haqida nimalar dedi?
O‘zbekiston MTJ bosh murabbiyi Timur Kapadze JCH-2026 3-saralash bosqichi doirasidagi Eron (2:2) bilan o‘yindan so‘ng matbuot anjumanida qatnashdi.
"Avvalo, Eron terma jamoasini jahon chempionatiga yo‘llanma olgani bilan tabriklayman va ularga ushbu musobaqada muvaffaqiyat tilayman. O‘yin qiziqarli va hayajonli bo‘ldi, ikkala jamoa ham imkoniyatlarga ega bo‘ldi. Natija adolatli bo‘ldi deb o‘ylayman. Eronni yengishimiz ham mumkin edi, ammo bu amalga oshmadi. Endi biz keyingi o‘yin haqida o‘ylaymiz va saralashdan o‘tishga harakat qilamiz.
Ushbu ajoyib o‘yin uchun shogirdlarimga va stadionga tashrif buyurgan o‘zbekistonlik muxlislarga minnatdorchiligimni bildiraman. O‘zbekiston xalqi jahon chempionatiga munosib va men ularga duolari uchun tashakkur aytaman. Biz keyingi o‘yinda kerakli natijaga erishishga harakat qilmoqdamiz.
Muxlislarning qo‘llab-quvvatlovi va yaxshi tilaklar uchun yana bir bor minnatdorchiligimni bildiraman. Jahon chempionatiga chiqqanimizdan so‘ng ham O‘zbekiston milliy terma jamoasining bosh murabbiyi bo‘lib qolishga umid qilaman", — dedi Timur Kapadze.
