Madridning "Real" klubi yarim himoyachisi Jud Bellingem bir kun ichida ikkita diskvalifikatsiya oldi. Chorshanba kuni futbolchining Ispaniya chempionatida ikki o‘yinga diskvalifikatsiya qilingani ma’lum bo‘ldi. Bunday qaror hafta oxirida bo‘lib o‘tgan o‘yinda ingliz futbolchisi hakamga haqoratli so‘z aytgani uchun qizil kartochka olgani tufayli qabul qilindi. "Real Madrid" ushbu jazoga shikoyat qilishni rejalashtirmoqda.
Bellingem chorshanba kuni kechqurun "Manchester City"ga qarshi Chempionlar Ligasi javob uchrashuvida ham sariq kartochka oldi. Shu sababli, u "Real" keyingi bosqichga chiqsa, 1/8 finalning ilk uchrashuvini o‘tkazib yuboradi.
Agar "Real Madrid" Chempionlar Ligasining 1/8 finaliga yo‘l olsa, u erda "Atletiko Madrid" yoki "Bayer" bilan to‘qnash kelishi mumkin.
Bellingem bir kunda ikkita diskvalifikatsiya oldi
👍 0❤️ 0😂 0😢 0😡 0
