Fulxem Romulo Kruz uchun 16 million yevro taklif qildi
Turkiyaning "Gyoztepe" klubida to‘p surayotgan hujumchi Romulo Kruz Angliyaning "Fulxem" jamoasiga o‘tishi mumkin. Bu haqida Euro-football.ru xabar berdi.
Bu haqda taniqli jurnalist David Ornshteyn xabar berdi. Ma’lumotlarga ko‘ra, 23 yoshli braziliyalik futbolchining transferida "Fulxem" klubining qiziqishi bor.
Londonliklar futbolchini sotib olish uchun 16 million yevro taklif qilmoqda. Avvalroq Rossiyaning "Zenit" klubidan ham Romuloga qiziqish bo‘lgani haqida xabarlar tarqalgan edi. Hozirgi vaqtda Romuloning Turkiya klubi bilan amaldagi shartnomasi 2028 yil o‘rtalarigacha mo‘ljallangan.
Transfermarkt sayti uning bozor qiymatini taxminan 7 million yevro deb baholamoqda. O‘tgan mavsumda Romulo 33 ta o‘yinda maydonga tushib, 17 ta gol urdi hamda 10 ta assist amalga oshirdi. Uning ko‘rsatkichlari jamoasi uchun muhim ahamiyatga ega bo‘ldi va bu futbolchini transfer qilishga bo‘lgan qiziqishni kuchaytirmoqda.
Romuloning Angliya chempionatida o‘ynashi uning faoliyatini yangi bosqichga olib chiqishi kutilmoqda.
