Barcelonaga yosh vinger Runi Bardgji keladi
Kopengagen klubi vingeri Runi Bardgji yaqin kunlarda Barselona futbol jamoasiga qo‘shiladi. Bu haqida Euro-football.ru xabar berdi.
Tomonlar o‘rtasida transfer bo‘yicha kelishuvga erishilgan bo‘lib, rasman tasdiqlanishi yaqin vaqtlarda kutilmoqda. Diario Sport nashrining ma’lumotlariga ko‘ra, katalon klubida 19 yoshli futbolchining kelasi haftada rasmiy shartnoma imzolanishi rejalashtirilgan.
Bardgji shifokor ko‘rigidan o‘tadi va "ko‘k-binafsha" libosini kiyib, yangi jamoasida faoliyat boshlaydi. Transfer narxi nisbatan maqbul bo‘lishi taxmin qilinmoqda, chunki yosh iqtidorning Kopengagen klubi bilan amaldagi shartnomasi joriy yilning oxirida tugaydi.
Transfermarkt sayti futbolchining qiymatini 7,5 million yevroga baholamoqda. Bu esa Barselona uchun iqtisodiy jihatdan foydali kelishi mumkin.
Klub yosh va iste’dodli o‘yinchini o‘z safiga qo‘shib, kelajakdagi musobaqalarda kuchayishni maqsad qilgan. Hozircha barcha jarayonlar ijobiy yo‘lga qo‘yilgan va kelasi haftalarda rasmiy e’lonlar bo‘lishi kutilmoqda.
