Klublar jahon chempionati doirasida jamoalarning hozirgi daromadlari ma’lum bo‘ldi. Bu haqida Euro-football.ru xabar berdi.
Eng ko‘p daromad qilgan jamoa "Manchester Siti" bo‘lib, uning daromadi 51,7 million dollarni tashkil etdi. Ikkinchi o‘rinda Madridning "Real" jamoasi turib, u 48,4 million dollar daromadga ega.
Uchinchi o‘rinni Myunxenning "Bavariya" klubi egallab, uning daromadi 45,1 million dollarga teng. Shuningdek, beshlikda Parijning "PSJ" jamoasi 42,8 million dollar va Londondagi "Chelsi" klubi 40,5 million dollar bilan o‘z o‘rnini topdi. Yevropadan chiqib, pley-off bosqichiga yetgan jamoalar orasida eng kam daromad qilgan jamoa "Yuventus" bo‘lib, uning daromadi 26,6 million dollar va umumiy reytingda 13-o‘rinni egalladi.
Jamoalarning sovrin puli orqali oladigan daromadlari keyingi bosqichlarga o‘tgan sari oshib boradi. Klublar jahon chempionatining final uchrashuvi 13 iyulga belgilangan. Ushbu musobaqa jahon futbolidagi eng kuchli jamoalarning o‘zaro bellashuvi hisoblanadi va bu daromadlar ham jamoalarning musobaqadagi muvaffaqiyatlari bilan bog‘liq hisoblanadi.
Musobaqa davomida jamoalarning moliyaviy natijalari yanada oshishi kutilmoqda.
