Emiliano Martinez "Manchester Yunayted"ni tanladi
“Aston Villa” jamoasining darvozaboni Emiliano Martinez Angliya Premer Ligasi kuchli jamoalarining diqqat markazida turibdi. Bu haqida Euro-football.ru xabar berdi.
Argentinalik futbolchining xizmatlari ilgari “Chelsi” jamoasiga taklif qilinganligi haqida xabarlar tarqalgan. Shuningdek, uning dunya chempioni sifatidagi yutuqlarini hisobga olib, “Manchester Yunayted” bilan bog‘liq transfer ehtimolligi haqida ham ko‘p gapirilmoqda.
Mirror nashrining ma’lumotlariga ko‘ra, 32 yoshli futbolchi “qizil iblislar” bilan birga o‘ynashni xohlaydi, garchi ular Evrokuboklarda ishtirok etmayotgan bo‘lsa ham. Transfermarkt saytida Emiliano Martinesning bozor qiymati taxminan 20 million yevro deb ko‘rsatilgan. Biroq “Aston Villa” jamoasi o‘zining yulduz futbolchisi uchun 50 million yevrodan ortiq summa talab qilayotgani haqida mish-mishlar tarqalmoqda.
O‘tgan Premer Liga mavsumida “Chelsi” to‘rtinchi o‘rinni egallagan, “Aston Villa” oltinchi, “Manchester Yunayted” esa o‘n beshinchi pog‘onada qolgan. Shunday qilib, Emiliano Martinesning kelajagi haqida turli taxminlar mavjud bo‘lib, uning qaysi klubga o‘tishi futbol ixlosmandlari tomonidan katta qiziqish bilan kuzatilmoqda.
