Cherchesov Rossiya Kubogi tortish jarayonini himoya qildi
Mashhur murabbiy Stanislav Cherchesov Rossiya Kubogi musobaqasining o‘tkazilgan tortish jarayoni haqida fikr bildirdi. Bu haqida Euro-football.ru xabar berdi.
Unga ko‘ra, tortish jarayoni jonli efirda ko‘rsatilmagan va klub vakillarisiz o‘tkazilgan. Shundan so‘ng poytaxtning «Dinamo» jamoasi bu holatdan norozilik bildirdi. Cherchesovning aytishicha, agar musobaqa qoidalarida tortish jarayonini majburiy jonli efirda ko‘rsatish yoki klub vakillarining ishtirok etishi belgilangan bo‘lmasa, Rossiya Futbol Ittifoqini tanqid qilish uchun asos yo‘q.
U, shuningdek, jarayon davomida biror manipulyatsiya bo‘lganiga ishonmaydi. Murabbiy: «Siz buni qanday tasavvur qilasiz? Agar tortilgan shar noto‘g‘ri bo‘lsa, uni yana joyiga qo‘yib, qayta tortamizmi?
Tashkilotchilar, Rossiya Futbol Ittifoqi vakillari, futbol afsonalari va texnik mutaxassislar jarayonda ishtirok etadi, hamma jarayon yozib boriladi. Bunday holat imkonsiz va mantiqsiz», deydi Cherchesov. Hozirgi kunda Rossiya Kubogining amaldagi sohibi Moskvadagi CSKA jamoasi hisoblanadi.
O‘tgan mavsumning superfinalida ular «Rostov» jamoasini penaltilar seriyasida mag‘lub etishgan.
