«Barselona» hujumchisi Ferran Torres «Atletik» Bilbao vinjeri Niko Uilyamsning klubga kelishi ehtimoli haqida fikr bildirdi. Bu haqida Euro-football.ru xabar berdi.
Uchrashuvlarda birgalikda o‘ynagan Ferran, Niko bilan birga maydonda bo‘lishni istashini aytdi. Unga ko‘ra, ular hujumda yaxshi uchlikni tashkil etishlari mumkin.
«Barselona» jamoasi 22 yoshli ispan futbolchisi uchun 58 million yevro to‘lab, yaqin haftalarda transferni yakunlashga tayyor. Asosiy muammo yangi futbolchini ro‘yxatga olishda bo‘lishi mumkin, ammo bu masala ham hal etiladi, deb kutilmoqda.
Ferran Torres va Niko Uilyams Ispaniya terma jamoasida birga o‘ynagan. La Liga prezidenti Xavyer Tebas yaqinda «Barselona»da hozircha Niko Uilyamsni ro‘yxatga olish imkoniyati yo‘qligini ma’lum qildi.
Shunga qaramay, klub futbolchi transferini amalga oshirish va uni ro‘yxatga olish uchun zarur choralarni ko‘rishni davom ettirmoqda. Bu transfer «Barselona» hujumini kuchaytirishga xizmat qiladi va jamoaning kelgusi mavsumdagi natijalariga ijobiy ta’sir ko‘rsatadi.
