Angliya klubi "Nyukasl Yunayted" o‘z himoyasini kuchaytirish maqsadida muhim transfer bo‘yicha qaror qabul qildi. Bu haqida Euro-football.ru xabar berdi.
FourFourTwo nashri xabar berishicha, klub himoyachi xarid qilishni ustuvor vazifa sifatida belgiladi. O‘tgan mavsumda "sorokilar" "Kristal Pelas" klubi futbolchisi Mark Gehini sotib olishga harakat qilishgan, biroq muvaffaqiyatga erisha olishmagan.
Hozirda Mark Gehi "Liverpul"ga o‘tishga yaqin turibdi. Shu sababli, "Nyukasl" Bundesligadan munosib alternativani topib, "Bayer" klubi himoyachisi Edmond Tapsobaga taklif yubordi.
26 yoshli Burkino-Faso terma jamoasi a’zosi Edmond Tapsoba 2020 yildan buyon jamoada o‘ynab kelmoqda. O‘tgan mavsumda u barcha turnirlarda jami 43 o‘yinda maydonga tushib, 2 golga uzatma bergan va 7 marta ogohlantirilgan.
Transfermarkt portali futbolchining qiymatini 35 million yevroga baholamoqda. "Nyukasl" klubi himoyani mustahkamlash uchun aynan Tapsobani sotib olishni rejalashtirmoqda.
Bu transfer jamoaning mudofaa chizig‘ini sezilarli darajada yaxshilashi kutilmoqda. Klub rasmiylari ham yangi futbolchini jamoaga qo‘shish borasida ish olib borayotgani haqida ma’lumot berildi.
