Manchester Yunayted o‘zining rasmiy saytida yangi futbolchi bilan shartnoma imzolaganini e’lon qildi. Bu haqida Euro-football.ru xabar berdi.
Qizil shaytonlar jamoasiga chap himoyachi pozitsiyasida o‘ynaydigan Diego Leon qo‘shildi. 18 yoshli futbolchining shartnoma muddati haqida Manchester klubi ma’lumot bermadi.
Avvalroq Diego Leon o‘z vatani Paragvayda, Cerro Porteno klubida to‘p surgan. U ushbu klubning asosiy jamoasida 33 rasmiy o‘yinda maydonga tushib, to‘rtta gol urgan.
Manchester Yunayted joriy mavsumda Yevrokuboklarda ishtirok etmaydi. Ruben Amorim boshchiligidagi jamoa Angliya Premer-ligasida mavsumni 15-o‘rinda yakunladi.
Bu natija klub uchun qoniqarsiz bo‘lib, jamoa yaqin kelajakda yaxshiroq natijalar ko‘rsatishga intiladi.
