Myunxenning "Bavariya" klubi matbuot xizmati hujumchi Tomas Myuller bilan xayrlashdi. Bu haqida Euro-football.ru xabar berdi.
U jamoani mehnat shartnomasining muddati tugagani sababli tark etmoqda. Tomas Myuller "Bavariya" tarbiyalanuvchisi bo‘lib, 2007 yildan buyon ushbu jamoada faoliyat yuritgan.
U bilan birga Myunxen klubi 13 marta Germaniya chempioni bo‘lgan va UEFA Chempionlar Ligasi kubogini ikki marta qo‘lga kiritgan. Tomas Myuller jamoaning asosiy o‘yinchilaridan biri sifatida katta muvaffaqiyatlarga erishdi.
Oxirgi o‘yini klub jahon chempionatidagi chorak finalda "PSJ"ga qarshi bo‘lib, shu o‘yindan so‘ng u jamoani tark etdi. "Bavariya" ijtimoiy tarmoqlarda Tomas Myullerni o‘ziga xos va noyob faoliyati uchun hurmat bilan yodga oldi.
Klub va uning azolari Tomasni kelajakdagi ishlarida omad tilab, uning sportdagi faoliyatini yuqori baholaydi.
