Milanning «Inter» jamoasi o‘ng qanot himoyachisi Denzel Dyumfrisning ehtimoliy o‘rnini aniqladi. Bu haqida Euro-football.ru xabar berdi.
Niderlandlik futbolchi joriy oyda 25 million yevroga boshqa klubga o‘tishi mumkinligi uning shartnomasida ko‘zda tutilgan. FcInterNews xabariga ko‘ra, Dyumfris ketganda «neradzurri» «Fiorentina» jamoasidan Dodo bilan muzokara olib borishi mumkin.
«Fiorentina» esa ushbu qanot himoyachisini qo‘yib yuborishga shoshilmayapti va unga yangi shartnoma taklif qilmoqda. Biroq Milan klubi muzokaralarda Florensiya jamoasi talab qilayotgan Sebastiano Esposito ishtirokini ham ko‘rib chiqmoqda.
Transfermarkt mutaxassislarining bahosiga ko‘ra, Dodo qiymati 24 million yevroni tashkil etadi. Hozirda braziliyalik futbolchining yoshi 26da.
