Grozniyning «Axmat» jamoasi Boliviya terma jamoasi yarim himoyachisi Jeyson Churani sotib olish variantini ko‘rib chiqmoqda. Bu haqida Euro-football.ru xabar berdi.
Manbaning Sport24.ru saytiga ma’lum qilishicha, shaxsiy shartnoma tafsilotlari va «Strongest» klubidan transfer summasi bo‘yicha muzokaralar davom etmoqda. Kelishuv yaqinda yakunlanish arafasida turibdi.
Joriy mavsumda Chura barcha turnirlarda jami 11 ta o‘yinda maydonga tushib, beshta gol urdi va to‘rtta golga uzatma berdi. 23 yoshli futbolchining bozor qiymati 750 ming yevro atrofida baholanmoqda.
Rossiya chempionati 2025/2026 yilgi mavsumining birinchi turida «Axmat» 20 iyul kuni o‘z maydonida Kazanning «Rubin» jamoasini qabul qiladi. Uchrashuv Moskva vaqti bilan soat 20:00 da boshlanadi.
