Turkiyaning “Fenerbahche” klubi Parij “PSJ” jamoasi va Slovakiya terma jamoasi himoyachisi Milan Shkrinyarni sotib olishni rejalashtirmoqda. Bu haqida Euro-football.ru xabar berdi.
30 yoshli futbolchi klubning navbatdagi transfer maqsadi hisoblanadi. Oldinroq “Fenerbahche” Jon Duran bilan shartnoma imzolagani haqida ma’lumotlar tarqalgan edi.
“Fenerbahche” va “PSJ” klublari o‘rtasidagi muzokaralar hozirda rivojlangan bosqichda ekanligi haqida taniqli jurnalist Fabitsio Romano xabar bermoqda. 2024/2025 yilgi mavsumda Shkrinyar barcha musobaqalarda jami 28 o‘yin o‘tkazib, uchta gol urdi va ikki golga uzatma berdi.
Uning amaldagi shartnomasi 2028 yil 30 iyungacha mo‘ljallangan. Futbolchining bozor qiymati taxminan 15 million yevroni tashkil etadi.
“Fenerbahche” klubi ushbu himoyachini jamoaga qo‘shib, mudofaani kuchaytirishni maqsad qilgan.
