«Spartak» jamoasi rasmiy ravishda himoyachi Pavel Maslovning klubni tark etgani haqida e’lon qildi. Bu haqida Euro-football.ru xabar berdi.
Moskva klubi bilan shartnoma muddati tugagani sababli futbolchi jamoadan ketdi. Pavel Maslov «qizil-oq» libosida turli musobaqalarda jami 78 rasmiy o‘yin o‘tkazdi.
Ushbu o‘yinlarda u ikki gol urdi va to‘rtta golga uzatma berdi. Futbolchi Rossiya Premer-ligasida kumush va bronza medallarini qo‘lga kiritgan.
Klub tomonidan berilgan bayonotda Pavel Maslovga klubda o‘tkazgan yillari uchun minnatdorchilik bildirilib, kelajakdagi faoliyatida omad tilandi. Shuni ta’kidlash lozimki, 2024/2025 yilgi mavsumda Pavel ijarada «Sochi» klubida o‘ynadi.
Hozirda 25 yoshli futbolchi yangi jamoa izlamoqda.
