Atletiko De Paul bilan shartnomani uzaytirmaydi
«Inter Mayami» Madridning «Atletiko» klubida o‘ynayotgan yarim himoyachi Rodrigo de Paulni o‘z safiga qo‘shib olishga harakat qilmoqda. Bu haqida Euro-football.ru xabar berdi.
So‘nggi kunlarda turli manbalar tomonidan bu haqda ma’lumotlar berildi. 31 yoshli argentinalik futbolchi terma jamoadagi jamoadoshi Lionel Messi bilan bir klubda o‘ynashni xohlamoqda, bu esa «Inter Mayami» uchun katta imkoniyat yaratadi.
Shuningdek, kelasi yil yozda uning «Atletiko» bilan amaldagi shartnomasi yakunlanadi. Jurnalist Nikolo Skiraning ma’lumotlariga ko‘ra, «Atletiko» klubi Rodrigo de Paul bilan shartnomani uzaytirmaslikka qaror qilgan.
Shu bois, futbolchi joriy transfer oynasida nisbatan arzon narxda sotuvga qo‘yilishi mumkin. «Inter Mayami» esa futbolchiga 2027 yil oxirigacha mo‘ljallangan yangi shartnoma taklif qilmoqda.
Bu transfer klub uchun muhim bo‘lib, jamoaning kuchayishiga xizmat qiladi.
