Ronalduning sevgilisi bilan yaxtada dam olishi tarqaldi

Krishtianu Ronaldu jiddiy mavsumdan so‘ng dam olmoqda. Bu haqida Euro-football.ru xabar berdi.

Portugaliyalik futbolchining sevgilisi Jorjina Rodriges ijtimoiy tarmoqlarda Krishtianu bilan birga yaxtada tushgan suratini e’lon qildi. Mashhur juftlik dam olish vaqtini dengizda o‘tkazmoqda.

Matbuot ma’lumotlariga ko‘ra, 40 yoshli Ronaldu hozirda Majorka orolida dam olmoqda. Yaqinda u «Al-Nasr» klubi bilan keyingi ikki mavsumga mo‘ljallangan yangi shartnoma imzoladi.

Oldinroq Ronaldu tanqidga uchradi. Portugaliya terma jamoasi sardori sifatida u Diogu Jotaning dafn marosimiga bormadi.

Futbolchi Ispaniyada avtohalokatda vafot etgan. Ronaldu o‘zini jamoatchilik diqqatidan chetda saqlash uchun dafn marosimiga qatnashmaslikni afzal ko‘rgan deb taxmin qilinmoqda.