Hujumchi Muhammad Konate «Ahmat» klubiga qaytdi. Bu haqida Euro-football.ru xabar berdi.
Grozniy jamoasi Konate bilan keyingi uch mavsum uchun shartnoma imzolaganini e’lon qildi. O‘tgan mavsumda Konate Saudiya Arabistonining «Er-Riyod» klubida o‘ynagan.
Oldinroq u «Ahmat» safida uch mavsum harakat qilgan. Shu davrda Muhammad jami 90 o‘yinda maydonga tushib, 34 gol urishga muvaffaq bo‘lgan.
«Rahbariyat, muxlislar, hamkorlar va jamoa a’zolari Muhammadni samimiy qutlaydi. Uyga xush kelibsiz!» — deb yozilgan «Ahmat» bayonotida.
Bundan tashqari, 27 yoshli Konate seshanba kuni o‘tkaziladigan do‘stlik o‘yinida «Dinamo»ga qarshi maydonga tushishi mumkinligi ta’kidlangan. Klub futbolchining tez orada maydonga qaytishini intiqlik bilan kutmoqda.
