Rossiya Federatsiyasi Davlat Dumasi deputati Svetlana Jurova legionerlar soniga qo‘yilgan limitni o‘zgartirish mumkinligi haqida fikr bildirdi. Bu haqida Euro-football.ru xabar berdi.
Oldinroq, sport vazirligi va Rossiya futbol ittifoqi limitni qattiqlashtirish masalasini muhokama qilayotgani haqida ma’lumotlar tarqalgan edi. Jurova so‘zlariga ko‘ra, bugungi kunda jahon miqyosida yuzaga kelgan sanksiyalar va ko‘plab mamlakatlarning do‘stona bo‘lmagan munosabati sharoitida ichki resurslarni rivojlantirish, yosh sportchilarga maydonga chiqish imkonini berish zarurdir.
Bu davlat tomonidan qo‘llab-quvvatlanadigan yaxshi choradir, deb hisoblaydi. Shuningdek, Jurova muxlislar Rossiya futbolchilarining maydonda ko‘proq bo‘lishini istashini ta’kidladi.
Rossiya chempionatida amalda bo‘lgan legionerlar limiti ikki qoidani o‘z ichiga oladi: jamoa tarkibida mavsum uchun maksimal 13 chet ellik futbolchi bo‘lishi mumkin, maydonda esa ularning soni 8 dan oshmasligi lozim. Yangi mavsum 18 iyulda boshlanadi.
Rossiya Premer-ligasida legionerlar soniga qo‘yilgan limit jiddiy ravishda qattiqlashtirilishi ehtimoli mavjud. Bu o‘zbek futboli va mamlakat sportining rivojlanishiga ijobiy ta’sir ko‘rsatishi kutilmoqda.
