«Barselona» jamoasining himoyachisi Ronald Arauho o‘zining kelajagi haqida savolga javob berdi. Bu haqida Euro-football.ru xabar berdi.
Urugvaylik futbolchi ta’tilni oldinroq yakunlab, mavsumoldi tayyorgarlik oldidan alohida shug‘ullanmoqda. Arauho bazaga yaqin joyda unga «Barselonada» qolishni xohlaysizmi, degan savol berildi.
U «Ha, xohlayman» deb javob berdi. Oldinroq tarqalgan ma’lumotlarga ko‘ra, Ronald Arauho «Barselona»da qolishi kutilmoqda.
Uning amaldagi shartnomasi Ispaniyaning La Liga klubi bilan 2031 yil o‘rtalarigacha mo‘ljallangan. 13 iyul, yakshanba kuni, «Barselona» futbolchilari ta’tildan qaytib, tibbiy ko‘rikdan o‘tadilar.
Ertasi kuni Hans-Diter Flik boshchiligidagi jamoa mashg‘ulotlarni boshlaydi. Bu mavsum oldidan jamoa yangi tayyorgarlik bosqichiga kiradi.
