Himoyachi Teo Ernandes klubini o‘zgartirdi. Bu haqida Euro-football.ru xabar berdi.
27 yoshli fransuz futbolchisi bilan shartnoma imzolagani haqida «Al-Xilol» klubi rasmiy ma’lumot berdi. Ernandes bilan bog‘liq transfer jarayoni uzoq davom etdi, ammo endi bu masalaga yakun yasaldi.
Teo «Al-Xilol» bilan uch mavsumlik shartnoma tuzdi, u 2028 yil o‘rtalarigacha amal qiladi. Matbuotda xabar qilinishicha, «Al-Xilol» Ernandes uchun «Milan» klubiga 25 million yevro to‘lagan.
Teo Saudiya Arabistoni jamoasida 19-raqam ostida maydonga tushadi. Avvalroq Teo Ernandes «Milan» safida 262 ta rasmiy o‘yinda ishtirok etib, 34 ta gol urgan va 45 ta samarali uzatmani amalga oshirgan.
Uning o‘yin tajribasi va ko‘rsatkichlari yangi jamoasida ham muvaffaqiyatli bo‘lishiga umid bildirilmoqda.
